Зерне, пасеянае народным песняром Беларусі на духоўнай ніве Бацькаўшчыны, дало шырокія ўсходы беларушчыны. Сеялося яно чалавекам, які нарадзіўся на паэтычнай наднёманскай зямлі ў пазамінулым стагоддзі. Пачынаючы з песняў аб народнай нядолі, Якуб Колас прадоўжыў спасціжэнне беларускага свету творамі высокага мастацкага і філасофскага зместу. Гэта найперш паэмы “Новая зямля” і “Сымон-музыка”, якія сталі непераўзыйдзенымі класічнымі ўзорамі беларускай, ды і сусветнай, літаратуры.

• 28/09/2013 10:00